Kryeredaktori i Syri Tv, Romir Saraçi thotë se dosja ‘Partizani’ do t’i kthehet në një bumerang mazhorancës në pushtet, njëjtë sikurse kryeministrit Rama.

Nga studio e Task Forcë me Sonila Meçon, Saraçi tha se nuk do të jëtë dosja ‘Partizani’ ajo që do ta bëjë liderin e opozitës, Sali Berisha të tërhiqet nga politika, përkundrazi do të jetë në favor të tij.

‘Nuk do të jetë kjo dosja për tërheqjen e Berishës, shoh një dosje të iniciuar politikisht. Kjo dosje do t’i kthehet në një bumerang mazhorancës dhe Ramës. Në momentin që të dhënat do të dalin dhe dosja do të analizohet siç duhet, ta hetosh në tre breza dhe të mos gjesh asgjë?! Do t’i kthehet në boomerang kryeministrit Rama dhe mazhorancës.