Komisioni i Ligjeve po vijon me tone të larta debati mbledhjen. Deputeti demokrat Oerd Bylykbashi ka ironizuar thirrjen e aplikimeve për certifikatat e pronësisë në mbledhjen e Komisionit. Ndërkohë që Ministrja e Bujqësisë Anila Denaj ka theksuar se këtë thirrje ta harrojnë se ndodh.

“Për të gjithë ata që kanë këtë hall nuk e kuptojnë sigurinë juridike. Ju i fusni edhe një herë, është term pak kështu, “hajdeni tek lala edhe një herë sepse ju sistemojmë ne”. Është mekanizëm tipik korruptivë. Mirë ata që janë në hall”, tha Bylykbashi.

“Aplikimi i të gjithë procesit që vjen pas të aprovimit ligjor është online së pari. Çdo përmirësim rregullator që ky komision do të sjellë është i mirëpritur. Duhet të njihni si ndodh kjo. Edhe kjo thirrje “ke lala ta harroni”, pyesni një herë. Keq t’i marrësh keq të mos i marrësh”, reagoi ministrja.