Deputeti i Partisë Demokratike, Ervin Salianji ka reaguar në lidhje me krimin e organizuar dhe 'lulëzimin' e tij në kryeqytet dhe jo vetëm.

“Krimi godet objektivin në mes të kryeqytetit, në mes të qytetëve, në çdo zonë, kudo të duan sipas kërkesave të porositësve.

Krimi e bandat nuk njohin frikë e as shqetësim se do përballen me autoritetin e shtetit”, shkruan Salianji teksa shton se ngjarjet e fundit janë tabela e degradimit të vazhdueshëm dhe rënies pikiadë të situatës së sigurisë dhe rendit publik.

Postimi i plotë:

Krimi godet objektivin në mes të kryeqytetit, në mes të qytetëve, në çdo zonë, kudo të duan sipas kërkesave të porositësve.

Krimi e bandat nuk njohin frikë e as shqetësim se do përballen me autoritetin e shtetit!

Ngjarjet e pafundme janë tabela e degradimit të vazhdueshëm dhe rënies pikiadë të situatës së sigurisë dhe rendit publik.

Fati, mbetet të jetë rojtari i qytetarëve!

Policia as parandalon, as kap; policia vetëm informon, sikur të ishte agjensi lajmesh. Madje në rastet e përfshirjes së zyrtarëve rilindas në krime ka rolin e mbuluesit të ngjarjes dhe manipulimit!

Vetëm këputja e lidhjeve të drejtuesve të policisë me krimin, promovimi i profesionistëve, dhe depolitizimi i policisë do ta bëjë efiçente policinë e shtetit që ka brënda radhëve të saj profesionistë që meritojnë të jënë në krye të luftën ndaj krimit dhe jo të dhunohen nga krerët e kapur prej krimit.

Çlirimi i policisë nga prangat e krimit dhe lufta pakompromis ndaj çdo forme të kriminalitetit është emergjencë për të kthyer rendin dhe sigurinë!