Prokuroria e Posaçme Antikorrupsion, çdo ditë e më shumë, duket qartë që është në shërbim gjithnjë e më shumë, në cilësinë e noterit për mbulimin e çdo grabitjeje që bën Edi Rama dhe banda e tij. Suksesi i SPAK ka rezultuar shumë efikas për të gjithë aktorët e dorës së tretë, ndërsa për protagonistët, përfituesit fundor, gazetarët e propagandës dhe organizatorët ka qënë i pafat.

Në të gdhirë të datës 13 korrik 2024, SPAK i dërgon policisë së shtetit 8 urdhër arreste. Ndër ta dhe emrin e Endrit Habilaj. Në atë aksion askush nuk arrestohet pasi të gjithë ishin arratisur. Video që po bëjmë publike sot, tregon dhe njëherë, gjendjen e mjerueshme të strukturës që do duhej të luftonte korrupsionin por aspak të rastësishme. Kur kërkohej nga SPAK, Habilaj darkonte me Mirel Mërtirin, në Austri, në restorantin luksoz “Trattoria Toscana La No”, data është lehtësisht e verifikueshme nga SPAK.

Mirel Mërtirit është një nga personat në kërkim, si personi i ngarkuar nga Rama dhe Veliaj për të drejtuar këtë aferë. 

Pikërisht kjo është gjendja reale e drejtësisë në Shqipëri, ku SPAK bën sikur godet personazhet e aferave korruptive të lidhur me kryeministrin Edi Rama apo kryebashkiakun e Tirnanë, Erion Veliaj dhe nga ana tjetër nuk i ndjek ata në vendet ku ata ‘arratisen’ dhe shijojnë arratinë të lirë, pa u ndjerë aspak të kërcënuar nga ‘drejtësia e re’.  

Kujtojmë se ‘Top Story’ u përdor nga Ben Blushi dhe Endrit Habilaj për interesa krejtësisht të dyshimta përgjatë viteve të fundit, ku autori i emisionit është kapur duke u paguar në disa kompani nga inceneratorët, që janë quajtur afera e shekullit.

Mirëpo surprizat për Altin Dumanin, ushtarin e kryeministrit nuk mbarojnë me kaq, SYRI do të zbulojë ditët në vijim edhe identitetin e personazheve në këtë video që janë bërë me blur.

Lexo edhe këtë: Skandali në Top Channel/ Syri.net kishte të drejtë, Top Story përdorej për gjoba