Nga Basir Çollaku/

Prokurorët e SPAK nuk munden të marrin një dëshmi ish-zëvendës-kryeministrit Arben Ahmetaj në Zvicër!

Ai ka dhënë dy intervista-dosje. Telashet janë hapur.

Përse zoti Dumani me institucionin e tij, nuk është më konkret?!

Ahmetaj ka përballjen e tij me drejtësinë. Ky është kapitull i hapur.

Po përse Edi Rama nuk do rrëfimin procedural të zëvendësit të tij dhe ushtron gjithë fuqinë absolute të pushtetit të ndodhë kjo?

Përse ndërkombëtarë diplomatë e ambasadorë sevdallinj mbështetës të drejtësisë, nuk duan deklarime zyrtare?!

Përse Rama u ngut, mazhoranca u mek dhe autoritetet vijnë vërdallë?

Përse Arben Ahmetaj është ministri i vetëm në hetim, nën akuzë, i kanosur familjarisht, pretendues për paligjshmëri veprimesh ndaj tij, nga SPAK, por ka theksuar disa herë se vetëm USA është garancia e korrektimit emergjent dhe absolut të drejtësisë?!

A janë shërbimet amerikane FBI apo CIA një nga tre shërbimet sekrete për të cilat zëvendësi i Ramës deklaron se ka informuar për shumëçka di rreth situatës ku gjendet?!

Mosvajtja e Prokurorëve tek numri 2, është dera e pakthyeshme për të marrë të pandehur numrin 1?!

PO

A duan kombëtarë e ndërkombëtarë të ndodhë kjo?

JO

A janë të përfshirë shumë??!

Po

Përse jo?

Përse ish-ministri po bën dosjen e madhe me rrëfimet 3 dhe 4 të premtuara, shoqëruar me prova shkresore, shkaqe serioze për indicie hetimore, për të regjistruar procedime konkrete penale

Rendisim konkretisht!

19 miliardë euro tenderime.

Nga Belinda Balluku 10 miliardë euro

Erion Veliaj 6 miliardë euro. Pa llogaritur miliarda nga miliona metër katror ndërtime në Tiranë.

Ministrat e Shëndetësisë sipas kohës në detyrë 3 miliardë euro.

Këtu asnjë qindarkë nuk ka dalë nga thesari pa dijeninë e nikoqirllëkun shpërblyes të Kryeministrit. Përqindjet e abuzimeve janë të frikshme. Duke mos harruar inceneratorët, ku KM është gjithkund, ecim më tej.

Për këto denoncime të rënda, njerëzit e Dumanit duhet të pyesin menjëherë Edi Ramën, Belinda Ballukun, Erion Veliajn, Manastirliun, Beqen

Eco Parku

Firmë e Edi Ramës përfitues familjar i Edi Ramës.

Për këtë SPAK duhet të pyesë Edi Ramën, familjarin e tij.

AKSHI

43 milionë euro. Për këtë duhet të pyetet hetohet e merren të pandehur, familjari përfitues i Edi Ramës. Të bëjë edhe një rrugë në Qipro në strehat ofshore.

Tuneli i Llogarasë

Nga 140 në 190 milionë euro, ku fituesi turk gjendet pas një sajdie te Porta e Lartë e Ramës, Ballukut e dakortxhinjve. Rama e Balluku duhet të ishin me kohë me dëshmi të dhënë në Prokurori për 50 milionë euro badihava pa luajt fundshpinën vendit.

Anijet amerikane në Vlorë

Mbi 100 mijë euro në ditë, zero prodhim, mbi 30 përqind më tepër se 80 mijë eurot ditore të Bashkisë Tiranë, për inceneratorët fantazmë me Ramën dhe Veliajn pronarë faktikë. Edi Rama, Belinda Balluku, Yuri Kim si sugjeruese biznesit "amerikan" duhet me kohe të kishin dëshmuar te "drejtësia e re"

Becchetti

Mbi 120 milionë euro dëm për të cilat u ndalua Kuvendi të hetojë pas kërkesës së opozitës. Mesazhet kanosëse qeveritare e bashkiake shkak për humbjen në arbitrazh. Edi Rama, Erion Veliaj, Engjëll Agaçi, duhej të ishin përgjigjur.

Charles McGonigal

Drejtori FBI akuzuar e dënuar për korrupsion financim dalë nga njerëzit këshilltar të KM. Video me Charles në një fabrikë ku ka pasur ministra dërguar në Prokurori, të paditur edhe nga opozita, por të papyetur Edi Rama, Damian Gjiknuri, Erion Veliaj, Taulant Balla, etj.

Vetingu

Një tender qindra madje mbi 1 miliard euro. Shkarkime e qëndrime në detyrë për prokurorë e gjyqtarë me sms. Edi Rama e Engjëll Agaçi duhej të kishin dhënë deklarime për ushtrimet e ndikimit të paligjshëm e të tjera akuza.

Përse Dumani apo prokurorë të SPAK hetues të çështjes në ngarkim të Ahmetajt, nuk marrin deklarimet në formën e kërkuar nga ligji?!

Thjesht! Sepse !!!

Edi Rama, Linda Rama, baxhanaku Rama, thjeshtra Rama, Olsi Rama, Belinda Balluku, Erion Veliaj, bahçet strategjike Rama, e diplomatë shëtitës mund dhe duhet të ishin të pandehur. Por më parë duhet të kishin dhënë dëshmi.

Kallzimet kërkonin menjëherë hetim kryesisht. Por në sinoret e Ramës akuza fiket. Ndaj Ahmetaj është kthyer SPAK-u i Edi Ramës ndërsa SPAK-u është kthyer në turist në diell, larg çadrës së Ramës, duke iu sjellë anës, në një kryeqytet ku mes përmes kundërmojnë si sinonime, përditshmëritë e lumthit të Lanës...

Ahmetaj 3 dhe Ahmetaj 4, jam optimist se do të jenë edhe më keq...