I ftuar në emisionin “TASK FORCE” nën moderimin e gazetares Sonila Meço, Julian Hoxhaj, autorë i emisionit investigativ “PLUG”, ka folur rreth çështjes së aferave “5D” dhe procesit të rindërtimit të kryer nga bashkia e Tiranës.
Ai u shpreh se bashkia e Tiranës dhe Erion Veliaj fatkeqësisht po abuzojnë me vendimet e marra në lidhje me shëmbjet e pallateve. Nuk la pa përmëndur edhe se disa vendime të bashkisë së Tiranës lidhur me shembjet e banesave nuk përputheshin me situatat reale të ndërtesa .
Hoxhaj u shpreh se çështja e rindërtimin është një incenerator i dytë sa I përket abuzimve financiare.
“Erion Veliaj dhe bashkia e Tiranës ka bërë fatkeqësisht abuzime në lidhje me mënyrën se si janë marrë vendimet për shembjet e pallateve. Ditët e fundit është duke u shëmbur një pallat në zonën e Ali Demit ku banorët e kanë kundërshtuar sepse nuk kanë qenë dakort me vendimin e bashkisë për ta shembur.
Mos harroni që janë me dhjetra e dhjetra procese gjyqësore të cilat një pjesë e mirë e tyre janë fituar në shkallë të parë. Në disa zona të tjera të Tiranës, nuk përputheshin vendimet e bashkisë së Tiranës duke i shembur këto pallate, me gjëndjen reale të këtyre pallateve.
Prandaj kjo çështje, për sa i perket tenderave të rindërtimit është një tematikë më vete dhe duhet hetuar në mënyrë të thelluar, sepse rindërtimi është një nga proceset, ndoshta një incenerator i dytë sa i përket abuzimeve financiare.”
© SYRI.net