Nga Basir Çollaku/
Java e sapombyllur në Parlament ishte me temperaturë konkuruese me motin.
Lajmet ishin gjithandej. Institucionet teorikisht të pavarura si SPAK, Prokuroria e Përgjithshme, KLP, KLGJ, ILD dhe, KLSH, raportuan dhe dhanë përgjigje pyetjeve të deputetëve.
Dy ishin tablotë me pritshmëri dhe vëmendje të madhe.
Prokuroria e Posaçme
Kontrolli i Lartë i Shtetit
Kishte ku servilizëm, karshillek, dekonspirim, sulme.
Debati pyetsor elozhet e shumicës me Dumanin, tregoi pikat e sforcuara të SPAK, ndërsa lufta e mazhorancës me Shehun, tregoi panikun e mbuluar.
Media zgjeroi prokurorinë dhe thuajse zhduku denoncimet e mëdha të KLSH. Sepse Rama, Veliaj, ndonëse janë pjesë e grupeve të strukturuara kriminale, janë ende jo të pandehur zyrtarisht ende jo të arrestuar.
Se Beqja u arrestua për groshët e BE në gjelltoren e luksit të ish-ministrit në Tiranë dhe jo qindra milionë eurot e koncensioneve, se Ahmetaj u la të arratisej.
Se dhjetëra të pandehur të inceneratorëve dhe 5D apo dosjeve të Mafias u lanë në kërkim pasi u lajmëruan të strehohen larg prangave.
Kontrolli i Lartë i Shtetit pak ditë para raportimit në Kuvend dhe gjatë seancave denoncoi vrasës shtetërorë.
Skandali genocid te Onkologjiku, tregtia me jetë njerëzish, denuar nga sportelet e spitalit ishte shokues.
Prokuroria anemike sillej ta mbulonte. Më tej skema me ilaçet.
Krim i Organizuar në zyra publike. Akullore vrasëse kancerogjene me target fëmijët.
Autoritetit Kontrollit Ushqimor rri mbi interesa dhe reagimi i duhur mungon. Fundi Sigurimit Shëndetësor u kalon mjekëve trajtimet e të vdekurve.
Kallëzimet e kontrollorëve janë në hetim por duar prokurorësh lidhur me pushtetin shpartallojnë pushojnë e nuk duan të hetojnë.
Legalizimet, ushqimet. Ndotja e ajrit një kancer shëtitës në Tiranë. Ka dhe shumë të tjera tronditëse.
Ata e dinë. Bizneset e lidhura pagues të fshehtë janë shqetësuar. Importet e produkteve ushqimore janë tbuajse gjithçka shitet tek ne.
Cilësia një histori ndërrimi etiketash skadence, e çmimet një batërdi më vete shumë herë më shtrenjt se në Evropë.
Këto janë alarme ku vrasësit janë me licencë pushtetesh. Arben Shehu kreu i KLSH, ka përballë deputetë me sjellje sigurimsash. Ata bërtisnin, revoltoheshin, lexonin sms-të e interesave dhe i turreshin kryetarit denoncues. Dëmet si konstatim nga Kontrolli janë miliarda dollarë. Kallzimet janë aty.
Ndëshkimet ku duhet të kryesojë SPAK e GJKKO mungojnë. Të pandehurit e mazhorancës duartrokitën Altin Dumanin në mbyllje të raportimit.
Opozita nuk mori as 3 përqind përgjigje nga kreu i Prokurorisë. Sidomos për të burgosurin paligjshmërisht të ambasadave, liderin e opozitës Sali Berisha.
Nuk dhe asnjë përgjigje as për vëlla Olsin, as për Manekun e fort-përdorur, ku procedimi për shpërdorim detyre e fshehje faktesh penale, duhej të kishte nisur me kohë. As për deputetë e ministra në krim. As për oficerë madhorë në banda. As për prokurorë e gjyqtarë në ushtrinë e mafias.
As për Erionin e të vëllanë. E plot të tjera. Ndaj duartrokitja socialiste zhurmoi në sallë. Ndërsa presion e gijotinë ndaj Shehut për të ndaluar me gjetjet kriminale në institucione, në para e pronë publike.
Lepuri nuk fle, ndaj SPAK të KUVENDOJË me KLSH dhe do ketë më kollaj të gjurmojë paranë e të zbulojë hajdutët e vrasësit e zyrave publike..
Kur të mungojnë duartrokitjet e thellohen hetimet, Dumanin do e kryqëzojnë më radikalisht se Shehun.
Për zbatimin e ligjit e shëndetin, të sotmen e të ardhmen e qytetarëve, do të jetë më mirë, kur SPAK të arrestojë vrasësit e zbuluar nga KLSH, pavarësisht bojës politike dhe ekonomike. ..
© SYRI.net