Deputetja e PD-së, Ina Zhupa ka reaguar pas shpërthimit të rrjetit elektrik në qytetin e Sarandës.

Në postimin e saj në Facebook, Zhupa akuzon qeverinë, se mungesa e investimeve në rrjetin elektrik shkaktojnë pasojat që vënë në rrezik dhe jetën e kalimtarëve.

‘Ministrja e Energjisë dhe ajo e Turizmit le të bëjnë një video bashkë të lumtura për arritjet e qeverisë’, shkruan Zhupa.

Postimi i plotë:

Rrjeti elektrik shpërthen në flakë, qindra banesa dhe biznese në Sarandë pa energji.

Temperaturat e larta dhe mungesa e investimeve në rrjetin elektrik shkaktojnë pasojat që vënë në rrezik dhe jetën e kalimtarëve.

Ministrja e Energjisë dhe ajo e Turizmit le të bëjnë një video bashkë të lumtura për arritjet e qeverisë.