Parlamenti Evropian do të mblidhet sot për herë të parë që nga zgjedhjet e qershorit, me një të djathtë ekstreme të përforcuar që kërkon më shumë ndikim në asamble.
Fredi Beleri doli mëngjesin e djeshëm nga burgu i Fierit pasi mori leje për t'u betuar si eurodeputet.
Ai u nis drejt Athinës fillimisht, për të vijuar më pas udhëtimin në Strasburg.
Jashtë burgut, Beleri u prit nga bashkëshortja dhe djali si dhe nga një makinë e ambasadës greke.
‘Dua t’ju falënderoj për mbështetjen gjatë gjithë këtyre muajve, jam i emocionuar, i lumtur, për pjesën tjetër do flasim në Athinë. Faleminderit për gjithçka’, tha Beleri.
Në Athinë, u takua me kreun e qeverisë greke, Kyriakos Mitsotakis, në një takim që zgjati rreth dyzet minuta.
Gjatë këtij takimi, Beleri dhe kryeministri grek publikuan foto, ku në sfond ndodhej flamuri i Bashkimit Europian.
Beleri foli lidhur me Shqipërinë duhe thënë se e drejta për të zgjedhur dhe për t’u zgjedhur, nuk është e vetëkuptueshme në këtë vend.
‘Unë nuk e mbështes se jam i pafajshëm, këtë po thonë tani edhe shqiptarët’, tha Fredi Beleri.
Beleri falënderoi kryeministrin grek, të cilin e konsideroi lider të gjithë helenizimit, ndërsa theksoi se ‘lufta’ e tij vijon ende.
© SYRI.net