Kathimerini

Sipas burimeve, kryeministri Kyriakos Mitsotakis është planifikuar të takohet me Fredi Belerin, anëtarin e burgosur të minoritetit etnik grek në Shqipëri, i cili u zgjodh muajin e kaluar në Parlamentin Evropian.

Takimi është caktuar të zhvillohet në vilën Maximos në orën 13:00, siç bëjnë me dije të njëjtat burime.

Beleri ka marrë një leje pesëditore nga autoritetet shqiptare për të marrë pjesë në seancën e hapjes së asamblesë së re të PE-së në Strasburg.

Gjatë kësaj kohe, atij i kërkohet të mbajë kontakte me policinë dhe më pas të kthehet për të vuajtur pjesën e mbetur të dënimit me dy vite burg.

Beleri, i cili ka dy shtetësi greke dhe shqiptare, u dënua për blerje votash në zgjedhjet komunale të vitit të kaluar. Pavarësisht se u zgjodh kryebashkiak i qytetit jugor shqiptar të Himarës, ai u arrestua dy ditë para votimit dhe nuk u betua kurrë për shkak të arrestimit të tij. Më pas, ai u dënua me burg.

Beleri i ka mohuar vazhdimisht akuzat ndaj tij.