Një komision i posaçëm apelimi për çështjet e emigracionit në Britaninë e Madhe publikoi sot një vendim për kreun e opozitës shqiptare, Sali Berisha.
Vendimi zbuloi qartësisht skandalet dhe prapaskenat e vendimit abuziv politik për shpalljen e Berishës non-grata në Britaninë e Madhe.
Por përpos të tjerave, autoritetet britanike pranojnë se vendimi për Berishën nuk është bazuar në prova e fakte, por në të ashtuquajturat 'burime të hapura'.
Me fjalë të tjera, te ato që kanë shkruar mediat dhe çfarë kanë thënë OJF-të.
Po ashtu pranohet se vendimi bazohet te shkrimet e medias BIRN, e cila merr financime nga miliarderi majtist, Xhorxh Soros.
Dhe pikërisht sot, BIRN vazhdoi mashtrimet.
Sipas agjencisë, vendimi ndaj Berishës u mor nga një gjykatë.
"Gjykata angleze lë në fuqi sanksionet kundër Sali Berishës," shkruan BIRN.
Në fakt BIRN e di shumë mirë se vendimi ka dalë nga një komision për çështjet e emigracionit.
Sikundër BIRN e di shumë mirë se kreu e opozitës kërkoi të ndiqte rrugën ligjore në gjykata, por kjo ishte instanca ku e drejtuan.
Shkrimi i tyre i sotëm vetëm sa vërteton se gjithçka është pjesë e një fushate kundër liderit opozitar, Sali Berisha.
Strumbullari dihet, ai quhet Xhorxh Soros.
© SYRI.net