Nga Besart Xhaferri

Narkoshteti i parë që aspiron Bashkimin Evropian është kryefjalë e medieve më prestigjoze në Evropë dhe Shtetet e Bashkuara të Amerikës, duke minuar përfundimisht raportin e Shqipërisë me integrimin dhe aleatët strategjikë. 

Sot në orën 10:00 të gjithë do jemi përpara Parlamentit, që Edi Rama nga noterizues të vendimeve klienteliste e ka kthyer në tempull të halleve dhe përfaqësimit të krimit të organizuar. 

As ligji i posaçëm i dekriminalizimit nuk e  dekriminalizoi Parlamentin, përkundrazi vetëm konsolidoi përfaqësimin e krimit të organizuar në Parlament, që sot propozon dhe miraton ligje vetëm në shërbim të oligarkëve dhe krimit të organizuar. 

Sot jemi këtu për t'i thënë deputetëve patronazhistë se sot në këtë vend janë shqiptarët dhe jo sivllau i Manuel Noriegës me eunukët e tij që janë turpi i këtij vendi. 

Koha është që qytetarët të marrin në dorë fatet e të ardhmes tyre dhe të mos i lënë ato në mëshirë të Edi Ramës dhe krimit organizuar.