Ambasada amerikane në Tiranë ka reaguar në lidhje me 15 vjetorin e anëtarësimit të Shqipërisë në NATO.

Me anë të një postimi në rrjetet sociale, Ambasada shkruan se sot Shqipëria ka siguri, stabilitet dhe qëndrueshmëri.

Postimi:

15 Vite së Bashku: Udhëtimi i Shqipërisë me NATO-n | Që nga anëtarësimi në NATO në 2009, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm. Sot Shqipëria ka siguri, stabilitet dhe qëndrueshmëri – sot Shqipëria ka NATO-n. Së bashku, ne qëndrojmë më të fortë. Edhe shumë vite të tjera si aleatë në NATO!