Deputetja e PD, Ina Zhupa, ka protestuar me zë të lartë në Kuvend sot duke i kërkuar mazhorancës të mos fusë në rendin e ditës, ligjin që copëton zonat e mbrojtura të vendit.
Në një video të publikuar në Fb, Zhupa dëgjohet duke akuzuar në veçanti ministren e Turizmit, Mirela Kumbaron.
“Hiqni zonat e mbrojtura nga rendi i ditës! Hiqni zonat e mbrojtura! Hiqni zonat e mbrojtura! Nuk është plaçka juaj, Shqipëria! T’ju vijë zor!- dëgjohen thirrjet e Zhupës nga vendi, në kushtet kur opozitës nuk i jepet fjala në Kuvend dhe pengohet nga Garda.
“Hiqni ligjin për zonat e mbrojtura nga rendi i ditës!
Ja Mirela Kumbaro, vrasësja e zonave të mbrojtura! Kjo që dënon në qoftë se pret një dru në pyje dhe në qoftë se i jep të tëra për ndërtim, s’e ka problem!
Ja dhe Mirela, fytyra e këtij procesi! Ju doni të shkatërroni Shqipërinë!
Moa votoni zonat e mbrojtura, mos votoni shkatërrimin e Shqipërisë. Ku do t’i rrisni fëmijët?! Çfarë ajri do të merrni?!”
© SYRI.net