Kryeministri Edi Rama dhe njëherësh kreu i Partisë Socialiste, e ka nisur me kritika të forta mbledhjen e Asamblesë së partisë.

Kreu i qeverisë ka kritikuar qëndrimin e ish-ministres, Olta Xhaçka që sipas tij nuk ka qene ekzistente në rrjetet sociale pasi u largua nga posti i ministres.

Kujtojmë që Olta Xhaçka u shkarkua nga posti i ministres së Jashtme më 4 shtator të vitit të kaluar.

Ndërkohë që akoma nuk është diskutuar ligjshmeria e mandatit të saj në Kuvend pas akuzave të ashpra të ardhura nga opozita në lidhje me investimin strategjik te burrit të saj në bregdet.

Edi Rama ka pasur qëndrim kritik edhe ndaj degës së PS në Kavajë, pasi ka gjykuar se nuk është punuar siç duhet.

Kavaja është një ndër bashkitë që PS humbi në zgjedhjet lokale.

Rama ka kërkuar një listë të të gjithë anëtarëve të Asamblesë të degës së Kavajës, të cilët nuk kanë pasur rezultate në terren.

Analiza e sotme e asamblesë së PS ka nisur me Tiranën, më pas Beratin, Shkodrën, Lezhën e Fierin.