Dy ditë para se t’i quante monarkitë si forma të drejtimit të shtetit të tejkaluara, në letrën e ngushëllimit drejtuar Princit Charles III për vdekjen e së ëmës, Mbretëreshë Elisabeth II, presidenti Begaj është kapur në një tjetër gafë.

Gjatë vizitës zyrtare të presidentit të Italisë Mattarella në Tiranë, Begaj, një ish-ushtarak ka ngatërruar protokollin duke ecur në kohën që banda frymore luante himnin e Italisë.

Mattarella në siklet, që nuk e kupton se çfarë po ndodh, provon në disa raste që ta ndalojë por pa ia arritur qëllimit duke qenë se Begaj vijon të çapitet mbi tapetin e kuq nën tingujt e himnit të Italisë.