Lideri historik i PD-së, Sali Berisha, ka dalë sot në një konferencë për shtyp për të denoncuar qëndrimin e Beogradit ndaj Rusisë dhe agresionit rus në Ukrainë, si një qëndrim që përbën një kërcënim dhe rrezik për paqen në Ballkanin Perëndimor.

Serbia, historikisht e njohur si Rusia e vogël, nuk e ka denoncuar agresionin barbar rus ndaj Ukrainës. Ajo nuk votoi në Këshillin e Ministrave të këshillit të Evropës për pezullimin e Rusisë nga ky institucion.  

Ajo refuzoi të bashkohet, sanksioneve të vendosura nga vendet anëatre të BE. De facto është e rreshtuar në anën e agresorit dhe në anën e Rusisë.

Do të theksojmë këtu se ky qëndrim i Serbisë përbën një ndarje të qartë, përfundimtare, politike, të këtij vendi nga rrjedhje e përgjithshme euroatlantike dhe në çdo rrethanë ajo është një aleat potencial për veprime destabilizuese në rajon," tha ne nisje te konferences per mediat, lideri historik i demokrateve, Sali Berisha.