I ftuar në SYRI TV, ish-ministër i Jashtëm Tritan Shehu ka folur fillimin e luftës me Rusisë dhe Ukrainës, si dhe për rrezikun që i kanoset rajonit tonë nga kjo luftë.

Shehu theksoi se kjo është qërtë një agresion ndaj një vendi sovran dhe përshakllëzimi i kësaj lufte mund të sjellë pasoja të rrezikshme për vendet si Kosova dhe Bosnja, ku Serbia ka pretendimet e saj territoriale.

Shehu: Është një agresion monstruoz ndaj një vendi sovran, një agresion që tenton ti marrë dhe shkattërojë sovranitetin një shteti. Një agresion që rrezikon shumë të jetë preludi i veprimeve të tjera agresive duke e përkeqësuar situatën e vendeve në Evropë dhe në botë. Është e ngjashme me situatën e viteve ‘38 në Evropë kur Hitleri filloi të merrte veprimet e tij ushtarake, Evropa duke qënë e dobët e lejoi të merte një sërë vendesh si Çekosllovakinë, Austrinë duke menduar se ai do të kënaqej por jo ndodhi e kundërta, oreksi u shtua dhe ai e çoi botën në kasapanë.

Këtu kanë ndikuar edhe ngjarjet fundit në Afganistan ku tërheqja atje i dha zemër agresorëve.

Situata mund të bëhet e rrezikshme edhe në rajonin tonë. Serbia e ka firmosur marrëveshjen e Euro Azia me Rusinë, ka pretendime territoriale në Bosnje, Kosovë po se po dhe e armatosur deri në dhëmbë nga rusët dhe si një shkop i Rusisë në mes të rajonit. Kosovën e shoh të rrezikuar në këtë pjesë pasi nuk është pranuar akoma në OKB.

Duhet qëndruar fortë përballë tyre duke forcuar unitetin shqiptar në rajon. Vendet e tjera në BE që janë në rajon të cilat kanë interesat e tyre në rajon, ti tregojmë që ne qëndrojmë fortë në rrugën tonë të vetme atë evropiane.