Pak kohë më parë deklarata e Safet Gjicit, se investimet që kishte bërë ai në Kukës nuk ishin parë as në Gjermani, solli ilaritet dhe humor në rrjetet sociale.

Por sot është Edi Rama që e ka bërë një deklaratë të tillë.

Duke folur nga QSUT-ja, ku u hap Pediatria, Rama deklaroi se këto investime nuk ishin bërë as jashtë shtetit.

Gjatë përurimit të pediatrisë së re, Rama deklaroi se kur gjërat bëhen nga e para mund të bëhen edhe më mirë se jashtë shtetit.

‘Dikush këtu kur po shikonim sallat tha që këtë strukturë nuk e kemi parë as jashtë shtetit kur kemi shkuar dhe ka një arsye, kjo është mundësia e të qenit më mbrapa, se jashtë shtetit i kanë bërë me kohë. Kur gjërat bëhen nga e para mund ta bësh më mirë se jashtë shtetit’, tha Edi Rama gjatë fjalës së tij në QSUT.