Gazetari Sokol Shameti, i ftuar në emisionin Task Force të moderatores Sonila Meço në Syri Tv, deklaroi se me Ballkanin e Hapur, Serbia është akoma e pranishme në Kosovë.
Shameti theksoi se projekti i Ballkanit të Hapur është mbi të gjitha antieuropian.
“Me Ballkanin e Hapur, Serbia është prapë në Kosovë. Ballkani i Hapur nuk është projekt europian. Ballkani i Hapur e kënaq një nacionalist serb. Isha në një takim në Tiranë me të ftuar nga rajoni, e të ftuarit nuk e kishin të shkruar që ishin nga Kosova, Serbia, Maqedonia e Veriut, por Prishtina, Beogradi, Shkupi.
Kur pyeta se përse Prishtina dhe jo Kosova, më thanë se nuk duan të lëndojnë serbët. Kosova edhe sot përfaqësohet me fusnovë e ndaj mund të themi se Serbia ka arritur shumë me anë të Ballkanit të Hapur”, deklaroi Shameti.
© SYRI.net