Demokrati nga Lezha Arben Ndoi i ka derguar një mesazh deputetit Agron Gjekmarkaj pas fjalimit të tij në kongresin e organizuar nga ish kryetari Basha.

“Jam i mrekulluar” nga fjalimi juaj i shkruan me ironi anëtari i PD në lezhë Gjekmarkajt duke i kujtuar se ka marrë mandatin e deputetit nga demokratët e këtij qarku dhe ku asnjë prej tyre nuk ishte ne atë sallë ku ai po fliste.

“Mandatin e deputetit përdoreni si të doni, por fjalimet mos i mbaj në emrin tonë!”, shkruan Ndoi duke i thenë Gjekmarkajt se, “nuk na përfaqësoni më!”

Ja postimi i plotë:

Jam i mrekulluar nga nga fjalimi i deputetit të zonës tonë Agron Gjekmarkaj dje në Pallatin e Kongreseve.

Po e ilustroj me këtë status:

Të gjithë personat në foto ishim pjesë e shtabit tuaj Agron.

Punuam ditë e natë, pa pagesë por me besim.

Edhe pse nuk kishit asnjë lidhje me zonën tonë, ju pranuam me bindje se ju kandidoi PD. (Në fakt ju kandidoi Basha).

Ju mbështetëm e ju votuam.

Në njësinë tonë - Dajç moret vota më tepër se të gjithë kandidatët e tjerë të PD së bashku.

Dhe të gjithë këto në foto, me përjashtimin tuaj, votuam dje në REFERENDUM për SHKARKIMIN e Bashës nga kryetari i PD.

Po jua deklaroj unë sot si njeri prej tyre:

Mandatin e deputetit përdoreni si të doni!

Por fjalimet mos i mbaj në emrin tonë!

Nuk na përfaqësoni më!

I lutem miqve të mi të mos bëjnë asnjë koment ofendues, pasi është e pa pranueshme dhe do i fshij!