Presidenti Ilir Meta ka shprehur dhimbjen e tij për ndarjen nga jeta të personalitetit të kulturës shqiptare, dramaturgut të shquar Fadil Kraja.

“Ndarja nga jeta e shkrimtarit të mirënjohur Fadil Kraja, një prej penave më të ndritura të dramaturgjisë kombëtare, përfaqësuesit të denjë të traditave dhe qytetarisë shkodrane, është një humbje e madhe për artin dhe kulturën shqiptare, - shkroi Meta në Fb.

“Ngushëllimet më të ndjera familjes Kraja, komunitetit të dashur të Shkodrës dhe mbarë artdashësve! Të prehet në paqen e merituar!” përfundon mesazhi i Presidentit.