Lulzim Basha ka postuar një pjesë nga intervista e tij e djeshme, ku ka theksuar edhe njëherë qëndrimin ndaj ish-kryeministrit Sali Berisha.

Basha zotohet se PD nuk do të bunkerizohet nga interesat personale të askujt dhe se luftën Berisha nuk e ka me atë por me Shtetet e Bashkuara të Amerikës.

Postimi i plotë i Lulzim Bashës:

Qëndrimi im si kryetar i Partisë Demokratike ka qenë dhe do të jetë në interesin më të mirë të demokratëve dhe në interes të së nesërmes së Partisë Demokratike dhe të Shqipërisë??. Interesat personale të askujt nuk mund ta bunkerizojnë Partinë Demokratike. Sali Berisha nuk e ka luftën me mua, nuk po e bën luftën për asnjë demokrat, luftën e ka me SHBA, luftën po e bën për interesat e tij personale.