Deputeti demokrat Flamur Noka në një reagim të tij për SYRI TV i është përgjigjur Gazmend Bardhit.

Noka u shpreh për SYRI TV se PD nuk ka asnjë punonjës që paguhet si punonjës protokolli në Partinë Demokratike.

‘Mendoni ju se demokratët do ti kërkojnë leje Bardhit, apo ndonjë tjetri. Kjo është një procedurë, kur Bardhi dhe shefi i tij, Basha, nuk kanë pranuar të mbledhë kuvendin. Të gjithë kryetarët e seksioneve, 4400 të grupseksioneve, kanë kërkuar që të mblidhet kuvendi, në këtë rast nuk i merret leje as Bardhit dhe as Lulit. Në këtë moment ka një vullnet të shprehur.

Unë e kam thënë dhe e përsëris që të gjitha firmat do të shkonin në seli dhe në seli janë. Le të dalë Bardhi apo Luli se kush është punonjësi i prokollit. Ne i kemi dërguar tek i vetmi institucion legjitim, përvecc Këshillit Kombëtar.

Kush të dojë le të shkojë e ti shikojë. 272 kryetarë dhe sekretarë grupseksionesh në Elbasan, kanë kërkuar mbledhjen e Kuvendit.

Nuk ka asnjë njeri që është i punësuar dhe paguhet në tatime si punonjës i protokollit në PD’, tha gjatë intervistës së tij në SYRI TV, deputeti demokrat, Flamur Noka.