Sekretari i Përgjithshëm i PD-së Gazmend Bardhi ka dalë sot në konferencë për mediat, pas dorëzimit të 4 200 firmave, të anëtarëve për të mbledhur Kuvendin Kombëtar të Partisë Demokratike.

Nën panik, Bardhi ka sulmuar ish-kryeministrin Sali Berisha, se ka shkelur statutin e partisë. Bardhi e thotë një gjë të tillë, edhe pse ai vetë shpesh herë ka shkelur statutin, si dhe Lulzim Basha.

Basha më së fundmi që ka shkelur statutin ishte me uzurpimin që i ka bërë FRPD-së dhe LDG-së.

Demokratët, të indinjuar dhe irrituar, kanë shpërthyer në sulme dhe akuza jo vetëm ndaj Bardhit, por edhe Lulzim Bashës, Ervin Salianjit e Grida Dumës, duke thënë se ata janë të gjithë njësoj, “humbësa serial”.

Një qytetar i thotë “Dyqind komente e të shara dhe flisni akoma në emër të PD. O Gaz djali, çfarë flet mor burrë”.

Një tjetër qytetar i ka kërkuar Gazmend Bardhit të japë dorëheqjen.

“Mendoni vetëm për karrigen tuaj zotëri. Ju besuan në këto tetë vjet, pa rezultat. Tani së bashku jipeni dorëheqjen”.