Si asnjëherë më parë mazhoranca dhe opozita në Librazhd kanë përkujtuar bashkë ceremoninë e 77-vjetorit të Çlirimit. 

Siç duken në fotot që sjell Syri.net, kryetari i degës së PD në Librazhd, Bujar Vreto ka marrë pjesë në aktivitetin e organizuar nga kryebashkiaku, Kastriot Gurra dhe deputeti i zonës, njëkohësisht kryetar i grupit parlamentar socialist, Taulant Balla.  

Nuk munguan as fotografitë e Enver Hoxhës apo buqetat në emër të Partisë Komuniste nga nostalgjikët.

Gjatë gjithë ceremonisë, Bujar Vreto ka qenë në krah të Taulant Ballës dhe ky i fundit gjatë prononcimit për mediat e vlerësoi këtë fakt: 

"I falenderoj edhe përfaqësuesit e opozitës që u bashkuan sot me ne në këtë ditë feste krenarie".

Dukshëm, mes PD dhe PS tashmë nuk ka më vija ndarëse, as ideologjike, as edhe bindje politike - por ka interesa që i ndajnë së bashku.

Bashkëpunimi mes Lulzim Bashës dhe Edi Ramës është reflektuar edhe në strukturat lokale të PD-së, si rasti i Librazhdit ku kryetari i degës i nënshtrohet Taulant Ballës.