Një nga drejtorët më të përfolur të policisë së shtetit, Ardi Veliu, është emëruar së fundmi nga Kryeministri Rama si zv/Ministër në Ministrinë e Infrastrukturës dhe Energjetikës.

Përveç se gëzonte besimin e Ramës në kontrollin e policisë, Veliu është i njohur për aktivitetin e tij gjatë zgjedhjeve të 21 prillit, ku spikat deklarata e tij në incidentin e Elbasanit, ku mbeti i vrarë Pjerin Xhuvani.

Drejtori i policisë, në një konferencë për shtyp, do të mohonte ekzistencën e materialeve zgjedhore në makinën e Met Dafllakut, që u bë shkak për nisjen e incidentit në një kohë që raporti policor fliste për prezencën e listëpagesave me emra zgjedhësish.

Në letrën dorëheqjes së bërë publike nga Edi Rama, Veliu do shprehej se largimi I tij bëhej për shkak të angazhimeve familjare.

‘Këto momente kam vendosur të mos kërkoj mandat tjetër dhe t’ju ofroj dorëheqjen time për t’iu përkushtuar më shumë familjes dhe fëmijëve që tani janë në një moshë delikate e të cilëve ju kam munguar pafund këto katër vite’.

Ardi Veliu u largua nga detyra në 5 shtator të këtij viti vetëm tre ditë përpara se të skadonte ultimatum 100 ditor i vendosur nga Edi Rama drejtuar kupolës së policisë.