Ambasadori Richard Grenell, në analizën e tij për Qendrën Amerikane për Ligj dhe Drejtësi, thekson se vendimi i Departamentit të Shtetit për Sali Berishën u mor për llogari të miliarderit George Soros.

Madje Grenell thekson se nuk ka asnjë provë kundër Berishës. E vetmja provë janë qëndrimet e tij kundër Sorosit.

“Aktualisht e vetmja provë që dimë ne është kundërshtimi i vendosur i Berishës ndaj ndërhyrjes politike të Soros, të cilin Berisha e ka denoncuar për anashkalim të sundimit të ligjit dhe për ndikim informal në të gjithë rajonin e Ballkanit. Vetë zoti Berisha në vitin 2017 u bëri thirrje qeverive të mëdha të hetonin rolin e Soros në politikën rajonale dhe shkoi aq larg sa të inkurajonte të tjerët që ta shpallnin Sorosin ‘non grata’.

Berisha ka përvojë personale me Sorosin që në ditët më të hershme që datojnë 30 vjet më parë. Të dy kishin kërkuar të punonin së bashku për të zhvilluar një shoqëri civile të pavarur; megjithatë në sytë e Berishës, Soros thjesht po krijonte një strehë të sigurt burokratike për mbështetësit e ish-diktaturës komuniste. Vitet themelore të tensionuara të demokracisë shqiptare kanë galvanizuar këndvështrimin e Berishës, i cili ka shkuar aq larg sa të pohojë se ‘George Soros është një armik i ashpër i maskuar i vlerave që ne besojmë dhe ndajmë’,” shkruan Grenell.