Është shpërndarë me shpejtësi në rrjetet sociale, një koment i shkurtër i pastorit Paulin Vilajetit, i cili ka marrë shkas nga një deputet i Partisë Demokratike që deklaroi në seancën e fundit se nuk ka gjë për të thënë në këtë parlament për qeverisjen e Ramës, pasi i ka thënë të gjitha gjatë 8 viteve të shkuara.

“Dëgjova një deputet të opozitës që tha për pozitën: "Nuk kam çfarë të them për ju, sepse i kam thënë të gjitha në 8 vitet që shkuan"!

Po mirë more deputet: Kush të detyroi të jesh përsëri deputet meqë nuk ke asgjë për të thënë?! Jep dorëheqjen, sepse unë do të mirëkuptoj 1000 herë më shumë se të përdorësh taksat e mia, e të vegjetosh 4 vjet në Parlament!”, shkruan Vilajet.

Paulin Vilajeti është pastor tek kisha "Qendra e Krishterë Shqiptare ".