Çmenduritë që po zbulohen dita ditës nga database që doli nga Partia Socialiste me të dhënat personale të plot 910 mijë qytetarëve vetëm në kryeqytet, nuk kanë fund.
Nëse lexon rubrikën “komente” që mbushet nga patronazhistët të cilët ditën e sotme Edi Rama i mori në mbrojtje dhe i falenderoi, gjen deri edhe racizëm naziskin ndaj qytetarëve dhe shtresave të ndryshme të shoqërisë.
I mbiquajturi “mbreti i memeve”, Gent Sejko, ka bërë një denoncim të fortë këtë të shtunë duke publikuar disa komente skandaloze të patronazhistëve të Ramës për komunitetin rom dhe egjiptian në Shqipëri. Të gjithë këta cilësohen me terma që edhe ligji dënon si; “dora e zezë”.
“Të majtë dhe racistë vetëm në Shqipëri gjen”, shkruan Sejko në foton ku pasqyrohen disa komente denigruese dhe raciste të patronazhistëve të PS për komunitetin egjiptian në Tiranë.
© SYRI.net