1. Sali Berisha

Liderit të opozitës, Sali Berishës, për herë të tretë i shtyhet koha e hetimit, por askush se heton përtej ndalimit të paligjshëm në konflikt me Kushtetutën muaj më parë, fakt ky që i jep statusin e të burgosurit politik!

Ata që besojnë tek drejtësia dhe ata që nuk besojnë në të, do duhej të reagonin bashkarisht kundër padrejtësisë, të parët për t’i kthyer asaj dinjitetin, të dytët për të vënë në vend të tyrin. Të dyja palët me gjasë e kanë eklipsuar atë në paaftësinë e reagimit shoqëror. Një opozitë e ndaluar është ndalesë për të gjithë, përveçse për një qeveri e cila dëshiron të kalojë pragun elektoral pa kundërshtarin real përballë. Faktorët politik sot në Shqipëri janë Sali Berisha dhe Edi Rama. Në një ndeshje duhet të luajnë të dy dhe jo njëri ka topin e tjetri është i lidhur në portë! Nëse nuk është hjeksi apo dorasi Edi Rama, duhet të thërrasë i pari që kundërshtari i tij të lirohet dhe procesi ndaj tij të vazhdojë në liri. Burgosja e Sali Berishës është më shumë sesa lojë institucionesh, presion kombëtar e ndërkombëtar mbi to, është një çështje e ndërgjegjes shoqërore! Nëse shoqeria është e interesuar për drejtësi, standartë e garanci demokratike për secilin prej anëtarëve të saj dhe për veten në teresi, e zgjidh si çeshtje!

2) Kongresi i PS

Edi Rama hoqi disa ministra nuk dha asnjë shpjegim pse e bëri këtë akt, asnjë analizë, asnjë arsye, si fiq të thatë i gjuajti tutje! Nuk u skuq as nuk u zverdh. Askush se di pse e largoi Taulant Ballën, Meten, Peleshin! Për akuzat e opozitës apo stratagemat e veta të pushtetit?!

Mori tre fiq të njomë i bëri ministra, nuk dha asnjë motiv pse e qysh, çfarë do të bëjnë më mirë, pse duhen ata. Të ikurit dhe të ardhurit u pajtuan në një gjë se nuk është punë e tyre të dinë se çfarë bëhet me ta. Në PS askush nuk guxoi të pyesë pse! Në atë parti ka vdekur kurajo dhe kurioziteti, dyshimi dhe mendimi. Qeshin kur duhet qarë e qajnë kur duhet qeshur. Interesat dhe fryrja e barkut kanë vrarë çdo idealizëm dhe dashuri për këtë vënd! Ato e shndërrojnë liderin në sundimtar.

3) Arben Ahmetaj

Personalisht nuk kam ndryshuar as mendim e as qëndrim ndaj Arben Ahmetajt. Suksesi i tij bazohej në servilizëm! Arroganca e tij në korrupsion! Ai gjatë ka qënë nr. 2 zëvendësi i Edi Ramës më i rëndësishmi që ka ngrënë “dardha pas shpine”, sot i akuzuar nga drejtësia jonë por edhe një akuzues ndaj vetë drejtësisë, shefit të tij, e ish kolegëve! Akuza të tmerrshme të cilat meritojnë të konsiderohen një për një dhe t’i jepet qytetarëve shqiptar një shpjegim rracional e jo mohim politik për to!! Tipa të tillë janë më të vërtetë në rrezik se në “lavdi”!

4) Zgjedhjet në Himarë!

Në Himarë u bënë një palë zgjedhje në një sfond kinse nacionalist. Mazhoranca solli një “grek” nga Dropulli e tha se ky do shpëtojë shqiptarët nga Greqia. Një grek mjafton të respektojë Kushtetutën e Shqipërisë e të jetë nënshtetas i saj dhe mund të bëhet edhe President i Republikës!

Opozita vuri një “shqiptar” nga Dhërmiu për të cilin u tha që ky do ju bëjë derman “grekëve” nga shqiptarët!! Po nuk qe aspak thelbi ky. Folklori përdoret si çati për strehën e maskarenjve që duan toka e prona. Qeverise i duhej ajo bashki dhe për këte nuk lejoji mbi 6 mijë veta të votojnë, shpërnguli gjithë shtetin e partinë me kuç e maç e anipse arrestoi  Kryetarin fitues e “mundi” anën e fituesit me pothuaj 1500 vota! Një Zot e di se ç’ka bërë kjo qeveri për Himarën gjatë 15 muajve për të thelluar diferencën!! Ajo çka ndodhi në Himarë nëse nuk ndalohet  do të ndodhë në pranverë në të gjithë Shqipërinë! Manipulim, tjetërsim, shtim listash, ndalim votuesish, presion nga bashkimi shtet parti, para si lubrifikant, kërcënim nga çunat ku ajo nuk bën punë! Nëse propagandistët e pushtetit e quajnë ketë problem vetëm të opozitës, janë në punën e tyre, por nëse dikush tjetër që nuk është pjesë e kësaj frote e mendon kësisoj, e ka gabim. Ky është problem i Shqipërisë dhe i shqiptarëve. Gjithmonë do të gjindet një “spiromilo” për t’i vrarë zgjedhjet, nëse ne nuk vrasim “spiromilon” brënda nesh!

5) Zjarret!

Shteti ynë dhe Kryeministri i shtetit flasin për satelitë në Hënë të cilët fluturojnë si presh! Zjarret bëjnë kudo kërdinë. Në Shengjin të Lezhes arritën pikun. Indiferenca e pakujdesia vunë në rrezik qytetin, jetën e pronën! Imazhi? Është ai që mbeti pas djegies-i nxirë!

Zjarret vazhdojnë! Barbarët përcëlluan edhe Finiqin një nga qytetet kryesorë të botës antike ilire! Zjarrfikësit nisen! Rrugës u bien gomat, u prishet motori, nuk kanë ujë! Përfundojnë banorët, ushtarët e policët me fshesa shqope e degë pishe për të luftuar me flaket! Në fund mëshira e fqinjëve bie mbi ne si shi kundër djegies. Nëse nuk do vidheshin kilometrat, inceneratorët, sterilizimet, sa aeroplanë kundër zjarrit do kishim pronë tonën? Boll! Pensione e rroga më të larta? Natyrisht më shumë!

Nëse nuk vidhet këtë vit me të njëjtin ritëm duhen blerë nja dy, se vera vjen prapë, zjarret po ashtu sidomos babëzia e mafies së ndërtimeve do të rritet për të kapur tokën djerr!

6) Rruga Milot-Balldren

Ajo që prej vitesh ndodh në aksin Milot-Balldre është një atentat i perditshem ndaj dinjitetit njerzor, ndaj banoreve, ndaj atyre “heronjve” që duan të bëjnë turizem në veri! Me orë të tëra mund të rrish në ato 15 km. Trafik trafik trafik i pambarim. Koha ndalet, makina mxehet, durimi shtetrret, zemerimi e fyerja mbesin pa zë! Gjë e mirë që Dukati lidhet me Progonatin apo Qeparoi me Terbaçin, Bregu me Vloren nga Tuneli i Llogarasë! Bukur kur ke edhe rruge panoramike per ta kqyryr kur je ngeshem qytetin edhe nga lart, ti bësh lulishte e bahçe tek e fundit Edi Rama është me origjine andej dhe po ja bën nderet  nahisë së vet po ai pretendon të jetë edhe Kryeminister i të gjitheve!Ai po sillet me logjiken e komiteteve të shpetimit të1997 ndaj Veriut ! Në Milot gjeni proven në Balldre merrni vertetimin! Në Shkoder gjeni vetem Benetin që buzeqesh pa asnjë premtim të mbajtur! Ah po ka vajisur oren që ka ndertuar “inglizi”!

7) Vera!

Duket sikur kjo verë nuk është një stinë por një gjëndje shpirterore ku lehtesia e paperballueshme e banalitetit shperndahet me fjalet, rrezet e diellit dhe gjumin e pasdites!