Sihariq i madh nga Vuçiç, Rama e Zaev: Shpiket populli i përbashkët

Sihariq i madh nga Vuçiç, Rama e Zaev: Shpiket populli i përbashkët

Nga Shaban Murati - 20/12/2021

U njoftua arritja më e madhe e “Ballkanit të kapur”: Shpiket populli i përbashkët i treshes përbërëse. U bëmë një popull me serbët dhe maqedonasit! Tre liderat e “Ballkanit të kapur” Vuçiç, Rama dhe Zaev, që do të takohen në 20 dhjetor në Tiranë për të përqafuar njeri-tjetrin, publikuan në 18 dhjetor një letër të përbashkët, ku japin sihariqin e madh që popujt e tre shteteve të kësaj federate serbe janë shkrirë në një popull të përbashkët.

Në letrën në gjuhën shqipe, të shpërndarë nga zyra qeveritare e Tiranës dhe të publikuar në gazetat proqeveritare, në fjalinë e tretë tre liderat shkruajnë sëbashku tekstualisht në numurin njejës: “Dëshira e popullit tonë…”. Të gjithë patriotët me brekushe, me poture, me tumane, me dimije dhe me fustanella, duhet të vdesin tani të lumtur se u bëmë një popull me serbët dhe me maqedonasit.

Në Jugosllavinë e vjetër të Titos quhej “popull jugosllav”. Nuk ka ardhur ende informacioni nga Beogradi se si do të quhet ky popull i përbashkët në Jugosllavinë e re të Vuçiçit. Tani mbetet të krijojmë një qeveri të përbashkët dhe një president të përbashkët, që natyrisht i takon të jetë serbi Vuçiç, se ai e shpiku “Ballkanin e kapur” dhe ka shumicën e votave të popullit të përbashkët ballkanikokaps.

Që tani jemi një popull i përbashkët i shkrirë në një, tre liderat e dëshmojnë me letrën e tyre të përbashkët, ku

-Nuk përmendet në asnjë rresht Kosova, sepse nuk e njeh Vuçiçi. Nuk e përmend në asnjë rresht dhe rrjedhimisht nuk e njeh as Edi Rama, sepse nuk don t’i prishë qejfin Vuçiçit.

-Nuk përmendet në asnjë rresht Bosnje-Hercegovina, ku serbët e Dodikut dhe të Vuçiçit po ndezin zjarret e luftës, që ka alarmuar Nato-n, BE-në, OSBE-në, KE-në, etj. por aspak Tiranën.

-Nuk përmendet në asnjë rresht Mali i Zi, ku forcat speciale të Serbisë së Vuçiçit dhe kisha ortodokse serbe po punojnë për të sjellë një qeveri edhe më shumë proserbe dhe të aneksojnë shtetin e pavarur malazez në “botën serbe”. Janë shqetësuar NATO dhe BE, por jo Tirana.

Letra e përbashkët, që tre liderat e “Ballkanit të kapur” i drejtojnë vetes, krijoi popullin e përbashkët ballkanikokaps, si eksperiment i madh shekullor i parealizuar deri tani i “Serbisë së Madhe”. Rroftë kozmopolitizmi i udhëhequr nga Serbia!

© SYRI.net

Lexo edhe

Komentet

MANI USA20/12/2021 22:51

HEU, SIHARIQ I MADH NGA VUÇIÇ, RAMA, ZAJEV: SHPIKET POPULLI I PËRBASHKËT!
EU, IHA-KRIQ GERMADH NGA TRUHIQ, DRAMA VARRJEVË: SHTRI FIKET RROKULLI MË
GERR-VRAZHDET!. PO ÇFARË FANTAZMA, ZVARRË KRRAKAZMA; SI DHËMPIRA HEJ TË
RIZGJUARA NGA VARRI; SHI, KRENNXIRA TRISHTUARA NGA ZJARRI; DUKE TENTUAR,
PËR TË NA ASIMILUAR, PËR TË FANTAMRIZUAR, DUKE KRIJUAR, FLIJUAR, NDRRUAR O
TRISHTRUAR, NDRYSHUAR, KLYSHUAR; FALLCE POPUJKOMBE,TALLCE ROPUJ ROBË
GJËJA OR PREJA, SI RUSO SERBO MAQEDONO JUGOSLLAVË; QË KËTA PËR HATA, AS
NUK KANË GJUHË, AS NUK KANË KULTURË, AS NUK KANË HISTORI, AS NUK KANË UH,
KURFARË GJENE AS KRENË, AS NENË AS BABE, AS SHKABE; KOMPLET JANË POPUJ O
TË ASIMILUAR, VARRZIMI NËNSHTRUAR, DHE NËN DHUNË, PËRDHUNË, T'PËRKRAHUR
NGA RUSO SERBO GREKO TURKO JUGOSLLAVE ËH, PUSO VERBO FERKO FURKO HEJ
TUGOSHKAVE PËR ASGJASMIN DHE ASMILIMIN DHE NENSHTRIMIN E NËSHKRIMIN OR,
TË PELLAZGO ILIRO MBARË SHQIPTARISË, O,ISHIN E DO JENË GJERGJA MË ADEMA O
NGA KRYELEGJENDA-HYEREGJENDA MBARË BOTËRORE,EDHE TERË NJERËZORE A,
AS TOKA , AS NËNË LOKJA, AS KY NENQIELL AS HYU KY DIELL, NUK E DURON AS NUK
KURON, KËTE TRADHËTI TË MADHE, KUNDËR THUNDËR,SI BISHA OR KISHA KANIBALË
NGA TRAKTATE MORE KARPATE;LUKURI BISHA TË TËRBUARA, ISHA KISHA T'VËRBARA
RUSO SERBO TURKO GREKO JUGOSLLAV-PUSO VERBO FURKO FERKO TUGOSHKAV!
MANI USA

Besart20/12/2021 14:12

Faleminderit zoti Murat. Prania e juaj me shkrime eshte e mirepritur. Te vjen keq kur puthadore si puna e nje fare P. Bello marrin persiper dhe shkruajne cudira mbi ballkanin dhe rreziqet ndaj tij.

Shto koment

Denonco