Instituti Ndërkombëtar për Zhvillimin e Menaxhimit realizoi një renditje vjetore të qyteteve më të zgjuara në botë, bazuar në fuqinë ekonomike dhe teknologjike të çdo qyteti dhe se si këta faktorë rrisin cilësinë e jetës dhe ofrojnë zgjidhje ndaj sfidave shoqërore. Tani në vitin e tij të pestë, Indeksi i Qyteteve Smart 2024 mblodhi të dhëna nga banorët e 142 qyteteve për të kuptuar pikëpamjet e tyre mbi shëndetin dhe sigurinë, lëvizshmërinë, aktivitetet, mundësitë dhe qeverisjen e qytetit të tyre. Asnjë qytet i vetëm nga Amerika e Veriut apo Afrika nuk u rendit në top 20 këtë vit dhe shumica ndodhen në Evropë ose Azi.

Canberra, Australi

I renditur i treti në listë dhe një nga qytetet e pakta joevropiane ose aziatike në 20 vendet e para, kryeqyteti i Australisë u vlerësua për ndotjen e ulët të ajrit dhe numrin e hapësirave të gjelbra, si dhe lidhjen e fortë mes qytetarëve. "Ka një lidhje të vërtetë dhe një gatishmëri për të ndihmuar dhe mbështetur të tjerët, duke e bërë atë një vend të ngrohtë dhe mikpritës për ta quajtur shtëpi." Canberra ka adoptuar gjithashtu teknologjinë për ta bërë qytetin më të jetueshëm dhe më tërheqës për themeluesit e startup-eve dhe bizneset e tjera. 

Singapor

I renditur i pesti në indeksin e këtij viti, Singapori kërceu me dy vende në renditje falë rezultateve të larta të sigurisë, monitorimit të trafikut dhe përpunimit të dokumenteve që mundëson përballjen pa probleme me burokracinë qeveritare.

Lozanë, Zvicër

Ndërsa tri qytete zvicerane u renditën në 10-shen e parë. Lozana u rendit e shtata në indeks edhe pse popullsia e saj është rreth 150 000 banorë. Është gjithashtu një qytet që e merr seriozisht afërsinë e tij me natyrën dhe investon shumë në parqe, kopshte dhe hapësira të tjera të gjelbra, me 360 ​​hektarë hapësirë ​​të gjelbër urbane dhe një iniciativë për të mbjellë më shumë se 1400 pemë të reja çdo vit. Për më tepër, qyteti mbetet i përkushtuar për të çuar përpara iniciativat digjitale. 

10 qytetet më të zgjuara në botë

Sipas Indeksit të Qyteteve Smart 2024, dhjetë qytetet më të zgjuara në botë janë:

  Zyrihu·

  Oslo·

  Canberra·

  Gjeneva·

  Singapor·

  Kopenhagen·

  Lozana·

  Londra·

  Helsinki·

  Abu Dhabi·