Në jetë të gjithë duan lumturinë. Por çfarë është në të vërtetë lumturia? A është një ide që ne të gjithë po e ndjekim pa mendje, duke shpresuar të shkojmë larg për të qenë të kënaqur? Gurutë shpirtërore shpesh thonë se lumturia është një iluzion dhe nuk gjendet në të ardhmen, por këtu dhe tani. Të gjithë ne vrapojmë pas një miti.  Sipas studimeve këto janë disa nga mitet më të mëdha të lumturisë duhet të ndalojmë së besuari.

Martesa

Martesa është një moment shumë i rëndësishëm në jetë që na siguron një pjesë të konsiderueshme lumturie. Shumica e njerëzve mendojnë se lumturia e tyre përfundimtare do të gjendet tek partneri i duhur. Por shkenca thotë se gjithçka është e përkohshme. Pas një periudhe të caktuar, jeta kthehet në gjendjen e saj të mëparshme. Ekspertët thonë se atëherë është e rëndësishme të krijosh kujtime dhe të ndërtosh jetën mbi gëzimet dhe hidhërime në çift.

Puna e ëndrrave

Shumica e njerëzve mendojnë se kur të arrijnë “punën e tyre të ëndrrave” do të gjejnë lumturinë e jetës së tyre. Ajo që ata nuk e kuptojnë është se lumturia zbehet me kalimin e kohës, veçanërisht kur kaloni në një rutinë të përsëritur.

Kur rriten pritshmëritë, rriten dhe aspiratat. Kjo i detyron njerëzit të ndjekin nivele të reja lumturie, duke i bërë ata të mbimendojnë për të ardhmen. Shkenca thotë se për të mbajtur interesin dhe lumturinë e paprekur, duhet të shikoni anën më të mire të gjërave. Kjo ndodh duke qenë mirënjohës dhe duke kujtuar se puna aktuale po ju paguan më mirë se ajo e mëparshme, se rutina është më e favorshme etj.

Gjëra më të mëdha

Shumë njerëz mendojnë se një shtëpi më e madhe, një makinë, një rrogë më e lartë, do t'u japë atyre gjithë kënaqësinë e kësaj bote. Por ky është miti më i madh i lumturisë. Shkenca thotë se ju jeni më të lumtur kur jeni duke u përpjekur drejt një qëllimi sesa kur e arrini atë. Ndjekja është shpesh më e bukur se realizimi aktual i ëndrrës. Pra, në vend që ta ndiqni atë, lëreni të rrjedhë natyrshëm. Mos e bazoni kënaqësinë tuaj të brendshme në faktorë të jashtëm.

Mosha

Njerëzit supozojnë se lumturia është e lidhur me moshën dhe mund të zvogëlohet me kalimin e kohës. Kjo nuk është e vërtetë. Një përvojë emocionale përmbushëse mund t'i ndodhë kujtdo në çdo moshë. Studimet tregojnë se ne të gjithë duhet të përdorim kujtimet tona të së kaluarës për të rritur lumturinë, veçanërisht kur mbushim të 60-at. Kur kuptojmë se jemi afër fundit të librit, duhet të përdorim çdo përvojë dhe të gjenerojmë rezultate pozitive.

Mos harroni se lumturia është personale. Dhe nuk mund të diktohet nga askush. Gjithçka ka të bëjë me atë që ndiejmë në këtë moment.