Një në 50 shqiptarë në Britaninë e Madhe është në burg, sipas analizave që zbulojnë tabelën e ligës së parë të kriminalitetit sipas kombësisë.

Më shumë se 1,200 shqiptarë janë dërguar në burg nga një popullsi migrante prej afro 53 mijë shqiptarërsh që jetojnë në Britaninë e Madhe, të cilët nuk kanë shtetësi britanike, sipas një analize të të dhënave zyrtare të Telegrafit.

Ata kryesojnë një tabelë me më shumë se 130 kombësi, të renditura në numrin e të burgosurve për 10,000 të popullsisë në MB nga vendet e tyre. Shqiptarët pasohen nga kosovarët, vietnamezët, algjerianët, xhamajkanët, eritreasit, irakianët dhe somalezët.

Është hera e parë që një analizë e tillë kryhet mes pretendimeve se ka pasur një “mbulim institucional” mbi publikimin e shkallës së krimit të migrantëve.

Deputetët e lartë konservatorë kanë kërkuar nga qeveritë konservatore dhe ato laburiste të publikojnë të dhëna si Danimarka dhe disa shtete të SHBA-së, që do të mundësonin hartimin e tabelave të nivelit të krimit të emigrantëve të çdo kombi.

Ndërsa të dhënat për kombësitë midis popullsisë së burgosur zbulojnë shkallën e krimeve të rënda të kryera nga shtetas jo britanik, nuk ka të dhëna për vepra penale të kryera nga emigrantët, të cilët nuk janë burgosur./ The Telegraph.