Një aksident i rëndë ka ndodhur mëngjesin e sotëm në Berat, ku një automjet është përplasur me një mjet bujqësor me të cilin udhëtonin tre persona.
Si pasojë e përplasjes, kanë humbur jetën burrë e grua, të identifikuar si shtetasit Ahmet dhe Salushe Kafazi të cilët udhëtonin me mjetin bujqësor, ndërsa vajza e tyre, Feruze Braushi, ka përfunduar në spital ku po merr ndihmë mjekësore.
Policia njofton se është shoqëruar në komisariat drejtuesi i automjetit, ndërsa grupi hetimor është në vendngjarje dhe po punon për sqarimin e rrethanave dhe shkakut të aksidentit.
Berat/Informacion paraprak
Rreth orës 06:00, në vendin e quajtur “Rruga e drejtë e Kuçovës”, një automjet është përplasur me mjetin bujqësor (frezë dore), në të cilën ndodheshin drejtuesi, shtetasi Ahmet Kafazi 81 vjeç, bashkëshortja e tij shtetasja Salushe Kafazi 77 vjeçe dhe vajza e tyre, shtetasja Feruze Braushi 58 vjeçe.
Si pasojë e aksidentit, drejtuesi i mjetit bujqësor, shtetasi Ahmet Kafazi dhe bashkëshortja e tij, shtetasja Salushe Kafazi kanë humbur jetën në vendngjarje, ndërsa shtetasja Feruze Braushi ndodhet në spital, jashtë rrezikut për jetën.
Drejtuesi i automjetit është shoqëruar në Komisariat, për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
© SYRI.net