Një krim i rëndë ka ndodhur mesditën e sotme në fshatin Kurjan të bashkisë së Roskovecit.

Dy persona kanë mbetur të vrarë me armë zjarri.

Autori i identifikuar si Altin Kuka, 49 vjeç mësohet se është vetëdorëzuar menjëherë pas krimit.

Deri më tani ende nuk dihen motivet e këtij krimi të rëndë.

Roskovec/ Informacion paraprak

Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.

Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.

Gjithashtu, shërbimet e Policisë kanë sekuestruar armën e dyshuar të krimit (armë zjarri automatike). 

Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje.