Katër persona janë vënë në hetim dhe një tjetër u shpall në kërkim pasi u kapën në flagranë duke prerë lëndë drusore në mënyrë të paligjshme në njësinë administrative Arras të Dibrës.

Ata u kapën nga droni i policisë si dhe nga patrulla këmbësore. Pasi i prisnin lëndët drusore, këta persona i grumbullonin brenda në pyll me qëllim fshehjen e tyre, në vendin e quajtur ‘Ceka e Xhikajve’.

Katër personat e vënë në hetim janë: E.Gj., 40 vjeç, Sh.Xh., 64 vjeç, A.Gj., 67 vjeç dhe M.Xh., 68 vjeç. Ndërkohë vijon puna për kapjen e S.T., 38 vjeç banues në Tiranë, bashkëpunëtor i persona të proceduar.