Mijëra banorë të zonës së Krujës, Kurbinit, Thumanës, Fushë Krujës etj. kanë dalë sërish në protestë për të nëntën herë, ku kërkojnë të drejtën e tyre për të pasur hyrje-dalje në autostradën Thumanë-Kashar.

Protestuesit e izoluar nga rruga kryesore janë të vendosur të mos dorëzohen duke kërkuar të drejtën e tyre kushtetuese për të pasur akses në akset rrugore kombëtare.

Banorët kërkojnë një nënkalim që të kenë mundësi të hyjnë në baneset dhe bizneset e tyre në këto zona, pasi ky bllokim i ka dëmtuar ekonomikisht, duke i shtuar mbi 20 km rrugë për të arritur në shtëpitë e tyre. Nga kjo mungesë hyrje-dalje preken mbi 80 mijë banorë të zonës.