Teksa reshjet e 24 orëve të fundit kanë krijuar probleme në qarkullim në akset kombëtare në vend, duke çuar në rritje të trafikut në disa rrugë, Policia ka bërë thirrje që drejtuesit e mejteve të bëjnë kujdes gjatë udhëtimit.
Policia Rrugore apelon për më shumë kujdes gjatë drejtimit të automjeteve, për shkak të lagështirës në rrugë, rënies së gurëve dhe inerteve nga rrjedhjet e shiut, si dhe si pasojë e shkeljeve të rregullave të qarkullimit rrugor, që kryesisht vijnë si rezultat i mungesës së durimit në kushtet e trafikut të rënduar
Njoftimi
Nisur nga përkeqësimi i kushteve atmosferike, si dhe rritja e ndjeshme e trafikut rrugor në të gjitha akset rrugore kombëtare, Policia Rrugore apelon për më shumë kujdes gjatë drejtimit të automjeteve, motomjeteve dhe biçikletave, veçanërisht me shenjat dalluese gjatë natës por edhe gjatë lëvizjes si këmbësorë, duke kaluar nga njëri kah i rrugës në tjetrin, pasi rreziku për t’u përfshirë në aksidente rrugore është i madh.
Kjo për shkak të lagështirës në rrugë, rënies së gurëve dhe inerteve nga rrjedhjet e shiut, si dhe si pasojë e shkeljeve të rregullave të qarkullimit rrugor, që kryesisht vijnë si rezultat i mungesës së durimit në kushtet e trafikut të rënduar
Për këtë arsye, strukturat e Policisë Rrugore në të gjithë vendin janë prezente me burime njerëzore dhe pajisje teknologjike të shtuara, jo vetëm për të rregulluar trafikun, por edhe për të parandaluar, konstatuar dhe ndëshkuar shkelësit e rregullave të qarkullimit rrugor, të cilët janë burim rreziku për përfshirje në ngjarje rrugore.
Gjithashtu, të gjitha shërbimet e tjera të Policisë, përfshirë Patrullat e Përgjithshme dhe Forcat e Posaçme Shqiponja, janë në gatishmëri për t'ju ardhur në ndihmë shërbimeve të Policisë Rrugore për menaxhimin e trafikut të rënduar, si dhe për përdoruesit e rrugës në rast nevoje si pasojë e motit të keq.
© SYRI.net