Një sherr i ndodhur mes të paktën tre adoleshentëve pranë “Kullës së Qendresës”, në qendër të qytetit të Kukësit, rreth orës 20:45 të së premtes, ka lënë të plagosur rëndë një të mitur 15-vjeçar.
Plagosja dyshohet se ndodhi me thikë pas një përplasjeje fillimisht verbale, motivet e të cilës janë ende nën hetim nga organet ligjzbatuese vendore.
Njoftohet se janë identifikuar dhe shoqëruar dy të dyshuar, një 15-vjeçar që besohet se është autori i krimit dhe një 14-vjeçar që ka qenë bashkë me të.
Urgjenca e Kukësit, pasi i ka dhënë ndihmën e parë të riut, emri i të cilit nuk u publikua për shkak të moshës, e ka transportuar drejt Spitalit të Prizrenit, në Kosovë.
Spitali Rajonal i Kukësit nuk ka arritur të bëjë ndërhyrje më të specializuar për mungesë të srafit kirurgjikal.
Adoleshenti u transportua drejt Prizrenit pasi mungon mjeku kirurg në Kukës.
© SYRI.net