Një 33-vjeçar është shpallur në kërkim ditën e sotme në Kurbin. Mësohet se Gentjan Markaj 33 vjeç, ka qëlluar me armë zjarri në drejtim të një lokali në pronësi të Fatjon Stakaj.

Bëhet me dije se sapo ka parë shërbimet e Policisë, 33-vjeçari është larguar mes parcelave me misër në drejtim të fshatit Gorre. Nga të shtënat me armë nuk ka persona të lënduar por vetëm dëme materiale.

Për kapjen e Markaj janë nisur Forcat Speciale Renea dhe Njësia Kombëtare e Sigurisë.

Rreth orës 11:00, shtetasi G. M., 33 vjeç, dyshohet se për motive të dobëta, ka qëlluar me armë zjarri në drejtim të lokalit në pronësi të shtetasit F. S.

Nuk ka asnjë shtetas të dëmtuar, vetëm dëme materiale.

Shërbimet e Policisë kanë shkuar menjëherë në vendngjarje, bashkë me grupin hetimor.

Autori i dyshuar, shtetasi G. M., sapo ka parë shërbimet e Policisë, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.

Shërbimet e Policisë janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.

Grupi hetimor, në drejtimin e Prokurorisë, vijon hetimet për sqarimin e rrethanave dhe sekuestrimin e provave, me qëllim dokumentimin e plotë ligjor të këtij rasti.