Gjykakta e Fierit ka dënuar me 1 vit e 3 muaj burgim Mirjete Hajdinaj, të dashurën e Nuredin Dumanit, e cila në muajin Mars 2022 u arrestua nga policia në Fier, së bashku me Dumanin dhe Henrik Hoxhën.
Por për shkak të gjykimit të shkurtuar, shtetësja nga Gjilani i Kosovës Hajdinaj, është dënuar përfundimisht me 10 muaj burgim.
Por ky dënim me burg është pezulluar duke bërë që gjykata të vendosë vuajtjen e dënimit në shërbim prove për një periudhë 20 mujore, duke detyruar të dënuarën të mbajë kontakte me shërbimin e provës në Kukës dhe gjatë kësaj kohe të mos kryejë asnjë vepër penale.
Hajdinaj është deklaruar fajtore për njërën nga dy akuzat e ngritura nga prokurori Genci Mane, atë të “Mbajtjes pa lejë të armëve të zjarrit dhe municioneve”. Kurse për akuzën e “Përkrahjes së autorit të krimit” çështja është pushuar.
Gjatë fazës së hetimit dhe gjykimit rezultoi se Mirjete Hajdinaj, është personi që ka marë nga Nuredin Dumani një automatik kallashnikov dhe e ka fshehur poshtë krevatit, në banesën ku qëndronin në Fier, Nuredin Dumani, Henrin Hoxhaj dhe Mirjete Hajdinaj.
© SYRI.net