Zjarri që ende po vazhdon të djegë shkurre dhe kullota pranë fshatit Zogaj të Tropojës nuk është arritur të shuhet as gjatë natës. Edhe një helikopter i KFOR po ndihmon në shuarjen e zjarrit, po tashmë është parë e nevojshme edhe ndihma nga forcat komando.

SYRI TV njofton se dje është punuar me kapacitetet e angazhuara në dy drejtime për izolimin e vatrave të zjarrit në Mahallën e Epërme dhe në veri të lagjes Hajdarmataj, në kodrat e Stobërtës të fshati Zogaj.

Si rrjedhim u arrit izolimi i vatrës së zjarrit në Mahallën e Epërme,  ndërsa vazhdon të jetë aktive vatra në veri të lagjes Hajdarmataj ku është drejtuar nga zona pyjore e Zherkës.

Sot janë angazhuar për izolimin e shuarjen e vatrave të zjarrit në rajonin e Zogajt, forca të armatosura, batalioni komando me 100 efektivë e 12 mjete, reparti ushtarak nr.1120, gjashtë zjarrfikës dhe një zjarrfikëse.

Në mbështetja kanë ardhur 7 zjarrfikës dhe 1 autozjarrfikëse nga Tirana, nga institucionet e bashkisë së Tropojës dhe komuniteti krahas një helikopteri të KFOR-it. Në total janë  165 forca, 2 autozjarrfikëse dhe 12 mjete transporti trupash.

Edhe sot do të duhet të aktivizohen trupat komando për t'u bashkuar kapaciteteve të bashkisë Tropojë.