Itali - Gati tetë kilogramë heroinë janë sekuestruar nga karabinierët e njësisë operative të kompanisë Bari Centro të cilët arrestuan pesë persona, një italian nga Bari dhe katër shqiptarë, tre prej të cilëve akuzohen edhe për armëmbajtje pa leje.

Mëngjesin e së mërkurës që kaloi, policia italiane ndaloi 41-vjeçarin nga Bari me dosje në polici kur po lëvizte me motorin e tij përgjatë rrugës Glomerelli.

 Burrit iu gjetën 515 gramë heroinë. Kështu, karabinierët vendosën të thellojnë hetimet duke e ndjekur.

Pasditen e së njëjtës ditë, 65-vjeçari shqiptar M.F. se në shtëpi kishte edhe 6.3 kilogramë heroinë të tjera, një armë pa leje, 17 fishekë të kalibrit 9x34, mbi 30 mijë euro cash, një pistoletë me ajër të ngjeshur, një tank me një pirg dhe një silenciator.

Dy shtetas të tjerë shqiptarë u arrestuan bashkë me gruan 25-vjeçare C.L. dhe 34-vjeçarin V.A.

Ky i fundit kishte një shtëpi në fermë në zonën e Modugnos ku policia gjeti materiale për paketimin dhe prerjen e lëndës narkotike.

Gjatë kontrollit në fermë, policia ka vënë re më pas 35-vjeçarin N.A gjithashtu shqiptar, duke kaluar disa herë me skuter.

Ai u ndalua dhe gjatë kontrollit në shtëpinë e tij në lagjen Libertà të Barit iu gjetën edhe 927 gramë heroinë, 800 euro dhe material për paketimin e dozave.

Gjatë operacionit u raportua edhe një 28-vjeçar nga Gambia, K.A., të cilit iu gjetën 31 gramë marijuanë dhe 43 hashash të ndarë në doza. Ai banonte në të njëjtin pallat me shqiptarin 35-vjeçar N.A.