Një konflikt ka ndodhur në një prej lokaleve të qytetit të Korçës ku sipas burimeve të SYRI. TV mësohet se është dhunuar një oficer i sektorit të krimit ekonomik në policinë e Korçës.
Sipas burimeve, mësohet se ngjarja ka ndodhur në lagjen 15 të qytetit. Nuk dihet ende nëse ka lidhje me detyrën e oficerit të policisë, por sipas deklarimeve dyshohet që mund të jetë edhe një konflikt i çastit mes një personi dhe oficerit.
Personi që ka goditur punonjësin e policisë është shoqëruar në komisariatin e Korçës. Gjatë konfliktit fillimisht verbal, autori e ka qëlluar me një gotë në fytyrë oficerin duke i shkaktuar dëmtime të lehta.
Policia po heton për zbardhjen e plotë të rrethanave.
© SYRI.net