Pacientë dhe familjarë që ndodheshin në spitalin qendror universitar “Nënë Tereza” në Tiranë u zgjuan nga sirenat e alarmit të emergjencës këtë të diel. Një zjarr në një dhomë teknike nën katin e nëndheshëm, bëri që në godinë të bëheshin evakuime. Drejtoresha e spitalit të sapoinaguruar, Albana Fico, minimizoi ngjarjen, teksa tha se ky ishte edhe një lloj testi për emergjencat. Dhjetëra pacientë u zhvendosën të alarmuar, teksa përgjatë gjithë paradites godina ishte në alarm.
Nga SYRI TV
Vetëm pak kohë pas inaugurimit, Urgjenca e re e spitalit “Nënë Tereza: në Tiranë u përball në mëngjes herët të dielën me zjarrin në një dhomë teknike që sipas drejtuesve të këtij spitali nuk ishte shumë e rëndësishme. Ndërkohë në një dalje për mediet drejtoresha e QSUT-së, Albana Fico të minimizoi faktin se godina ishte e sapo marrë në dorëzim, teksa pyetjes sa i takon sigurisë, ajo iu përgjigj duke thënë se ky ishte edhe një lloj testi i padëshiruar për emergjencat.
Ngjarja ndodhi rreth orës 05:30, dhe dyshohet se u shkaktua se si pasojë e një shkëndije. Shërbimet e Policisë në bashkëpunim me forcat zjarrfikëse, bënë evakuimin e stafit mjekësor dhe pacientëve. Zjarri është fikur dhe si pasojë e tij nuk pati persona të dëmtuar.
© SYRI.net