FOTO/ Ky është personi që vodhi me armë dyqanin e celularëve, policia vendos shpërblim për informacionet

10:41, 09/02/2024
A+ Aa A-

Një dyqan celularësh është grabitur në Tiranë.

SYR TV mëson se autori ka qenë i maskuar dhe dyshohet se edhe ka pasur armë më vete.

Ai ka arritur që të grabisë disa celularë nga dyqani ‘3 Vëllezërit Fejzo’ në rrugën ‘Muhamet Gjollesha’ dhe më pas është larguar në këmbë.

Policia ka publikuar foton e tij dhe ofron 5 mijë euro për këdo që ofron informacion për kapjen e tij.

NJOFTIMI ZYRTAR

Më datë 09.02.2024, rreth orës 09:30, në rrugën “Myslym Shyri”, një person me maskë të zezë dhe me një xhup të kuq, nën kërcënimin e një sendi të dyshuar si armë zjarri pistoletë, ka marrë disa aparate celular në dyqanin e shtetasit M. F., dhe më pas është larguar. 

Grupi hetimor ndodhet në vendngjarje dhe po punon për zbardhjen e dokumentimin e autorësisë të kësaj ngjarje.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij. 

Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118 duke garantuar anonimatin e plotë të çdo telefonuesi.

Image

© SYRI.net

Lexo edhe:

Komentet

Shto koment

Denonco