Dan Hutra, autori i vrasjes së trefishtë kishte planifikuar të vriste edhe një burrë të cilin e akuzonte si shkaktar të vdekjes së babait të tij.
Nga SYRI TV
Pasi kishte vrarë tri gratë në Paskuqan dhe Kamzë, 40-vjeçari ishte drejtuar për në zonën e Sharrës ku jetonte shënjestra e tij e fundit për të cilin kishte dëshmuar në Polici së quhej Rrahman Sela.
Në harkun kohor të 40 minutave ka ndodhur zinxhiri i vrasjeve që tronditi vendin. Rreth orës 12:30 në zonën e Astirit, Ramazan Hutra ka plagosur me thikë të dashurën e tij, Marjana Gurakuqi, e cila punonte shitëse në një dyqan.
Hutra është nisur drejt Paskuqanit me mjetin tip Benz, ku ka ndaluar tek banesa e ish-bashkëjetueses, Elena Hysës, më cilën ishte ndarë, por kishin një fëmijë së bashku.
Sapo ka mbërritur pranë banesës së familjes Hysa, ku brenda ndodheshin katër gra, 40-vjeçari ka hapur zjarr, duke lënë të vdekur në vend Mevlute Hysën, 30 vjeçe, motrën e ish-bashkëjetueses së tij dhe Hasime Dafkun, 30 vjeçe, të fejuarën e vëllait të ish-bashkëjetueses ndërsa plumbat kanë lënë të plagosur rëndë, ish-bashkëjetuesen e tij Elena Hysa, 35 vjeçe dhe nënën e saj Kujtime Hysa 60 vjeçe.
Ramazan Hutra, vetëm 10 minuta pas masakrës në familjen Hysa është nisur drejt Kamzës ku në rrugën “Besëlidhja” ka kryer krimin e radhës, duke vrarë më armë zjarri 31-vjeçaren Etleva Kurti. Hutra kishte pasur konflikte me të vëllanë e saj në burg, Vladimir Kurtin.
Për vrasjen e trefishtë ka folur sërish Drejtori i Policisë Tonin Vocaj, i cili ka thënë se autori ka rrëfyer gjithçka.
© SYRI.net