Hetimi për publikimin e pagave mujore të 637 mijë shqiptarëve dhe shtetasve të huaj, të deklaruar si të punësuar në Drejtorinë e Përgjithshme të Tatimeve, është mbyllur me fazën e pyetjes së specialistëve dhe shefave të IT në dy institucionet, Tatime dhe ISKSH.
Njësia “C” e specializuar për krimet kibernetike dhe Prokuroria e Tiranës, tashmë kanë administruar dhe kallëzimin penal të Ministrisë së Financave. Ndërsa gjatë kësaj faze, është arritur të ngrihen dyshime të forta mbi një specialist IT.
Punonjësi, emri i të cilit refuzohet të bëhet publik nga policia, rezulton të ketë hyrë gjatë periudhës Janar - Prill 2021 e në vijim, në serverin ku mbahen të dhënat e pagesave mujore të punonjësve shqiptarë dhe të huaj. Ky punonjës është mes 10 zyrtarëve të IT-së, që janë marrë në pyetje për këtë çështje.
Hyrja e tij në serverin ku mbahen të dhënat e rrogave mujore është faktuar, por nuk është pranuar nga ana e tij, që të jetë ai personi që ka kopjuar informacionin.
Deri në këtë fazë të hetimit, njësia policore “C” dhe prokuroria e Tiranës, kanë arritur të faktojnë futjen në server të këtij specialist IT në mënyrë të paautorizuar.
Sipas rregullores së Tatimeve çdo punonjës IT duhet të futet me “Username” në serverin e rrogave,duke pasur një autorizim të posaçëm me E-Mail apo qoftë dhe me dokument shkresor.
Njëherësh dhe më autorizimin jepet dhe arsyeja dhe qëllimi i futjes në sistemin e pagave mujore.
Specialisti i “IT”, ka hyrë në mënyrë të paautorizuar nga askush prej shefave të tij dhe për pasojë ai dyshohet nga policia dhe prokuroria se ka kryer kopjimin e 637 mijë pagesave të qytetarëve shqiptarë dhe të huaj.
Në total deri në këtë fazë të hetimit janë marrë në pyetje 10 persona, ndërsa çështjes i është bashkangjitur dhe kallëzimi penal i ministrisë së Financave dhe disa qytetarë të tjerë.
Nga veprimet e kryera deri në këtë moment rezulton se “Username”, për të pasur akses hyrje në servera, ku mbahen të dhënat e pagesave mujore, e kanë pasur shumë persona.
Por këta individë nuk kishin mundësi teknike për të kryer marrjen e dhënave në formatin që kanë dalë në publik. Pasi është marrë databaza qendrore, ku janë numrat e ID, pozicioni i punës, kompania etj.
© SYRI.net
Do ta gjejne ndonje grup armiqsor si ne kohen e Dullës
NUK KA RENDESI PUBLIKIMI I PAGAVE TE PUNONJESVE APO PSE DIKUSH MORI VESH SA E KA PAGEN KOMSHIU. ME E RENDESISHME NGA TE GJITHA ESHTE VERIFIKIMI DHE HETIMI I KETYRE "TE PUNESUARVE"! CFARE DETYRE KANE, CFARE PUNE BEJNE, A JANE KONFORM ME KERKESAT E VENDIT TE PUNES, A SHKOJNE NE PUNE DHE PUNOJNE APO THJESHT KANE TE REGJISTRUAR EMRAT ATY DHE NUK E DINE FARE SE KU E KANE ZYREN, NUK KANE SHKUAR KURRE NE PUNE????? BESOJ SE JANE MBI 300 MIJE VENDE PUNE FIKTIVE NE SHTET DHE NE PRIVAT!! KY ESHTE KRIMI I VERTETE SHTETEROR DHE TERA-SKANDALI I KETIJ PUBLIKIMI TE LISTES SE PAGAVE! JANE 300 MIJE MILITANTE TE PARTISE SOCIALISTE QE PAGUHEN NGA SHTETI DHE FIKTIVISHT NGA PRIVATI, PA SHKUAR ASNJE DITE NE PUNE! DETYRA E TYRE ESHTE VETEM PATRONAZHIMI, SPIUNIMI, SHANTAZHIMI DHE SHITBLERJA E VOTAVE ATEHERE KUR I DUHEN PUSHTETIT! KY ESHTE SKANDALI DHE KRIMI ME I RENDE DHE SKANDALOZ I KETIJ PROCESI KRIMINAL! POR NUK BESOJ SE KY SPAK I QEVERISE QE ESHTE SOT DO TA SHQYRTOJE KETE KRIM! SPAK ESHTE VETE PER T'U HETUAR DHE ARRESTUAR!! KETE MUND TA BEJE VETEM SPAK DHE DREJTESIA E VERTETE QE DO TE VENDOSET PAS RREZIMIT TE PUSHTETIT KRIMINAL RAMA-BASHA-VELIAJ! KETE DO TA BEJE VETEM REVOLUCIONI DEMOKRATIK!